النهاردة هاقولكم على وصفة جميلة وبسيطة وكمان مش مكلفة
هى مزيل لرائحة العرق بس طبيعى
هنجيب شبه ومسك من عند العطار
الشبه بتبقى قطع كده زى الصخر غير منتظمة يعنى ولونها بيبقى ابيض
اما المسك انا جبته كان بودرة وبيقولو فى بيبقى فصوص بس انا ما شوفتوش بصراحة وبيبقى ابيض برضه
المهم هنطحن الشبة فى المطحنه وكمان المسك لو كان فصوص
ونخلط مقدارين متساويين من المسك والشبة
وبعد الحمام نبدر بيهم
مش بيطلع ريحة عرق خالص حتى لو الواحد قعد 3 أيام ما يستحماش
ملاحظة : انا لما خلطتهم حطيتهم فى علبة كريم وشيلتهم على رف الحمام رطبوا منى مش عارفه من العلبه
ولا عشان فى الحمام والرطوبة
بس برضه استخدمتهم بقيت اخد حته وادعكها فى ايدى زى العجينه وادعك بيها وادى نفس النتيجه
اما عن المصدر فواحده قريبتى هى اللى قالتلى عليها الوصفه دى
الأربعاء، 29 أكتوبر 2008
مزيل عرق طبيعى
الاشتراك في:
تعليقات الرسالة (Atom)
هناك تعليقان (2):
السلام عليكم و رحمة الله و بركاته
في ده فعلا انا مجرباه وحلوة كتييييييير
حقيقي جزاكي الله كل خير
في رعاية الله
باكرر اعتذارى ليكى عن عدم الرد
وجزانا واياكم
وباشكرك على تاكيد المعلومة
إرسال تعليق